Tuluy-tuloy na search kung saan makakabili ng mura, search kung ano magandang flashcart. Meron na nga akong tatlong choices eh: R4i Gold, Acekard2i, at EZ Flash. Nagbabasa pa ako sa mga forums na pinagtatalunan kung alin sa mga yan ang pinaka-ok. At kaya yan ang choices ko dahil sakto lang ang presyo at ok ang features. Pero kung mapera ako Supercard DSTWO na kaagad bibilhin ko. Pero kunyari alam mo 'tong mga pinagsasasabi ko.... DERP!
Anyway, ang saya. Dahil bago palang ang 3DS system, wala pang hacks. Di ka pa makakapaglaro ng download games gaya ng ginagawa sa PSP. At oo, maling gawain ang pamimirata, alam ko. Kung mayaman lang ako kaya kong bumili linggo linggo ng bagong original games eh. Or nung isang linggo pa dapat ako nakabili ng 3DS. E kaso dahil tag-hirap nga, swerte na kung makabili ako ng ganito sa December.
Grabeng lakas ng interes kong magkaroon nito. Pero mahaba ang taon, alam kong baka sa sunod na linggo o kaya sa sunod na buwan, magsawa rin ako kakaasa na magkaroon nito at kalimutan na ang plano kong pag ipunan 'to. Ang kaso......
Hindi ko papayagan na mangyari yan. Ilang beses na ko nangako sa sarili ko tapos di ko naman tinutupad dahil lang sa nawawalan ako ng interes eventually. Iibahin ko dito. Sa ngayon nag iisip ako ng ibang paraan to keep me motivated throughout the year. Siguro uumpisahan ko na ang pag iipon kahit di pa ko bumabalik sa eskwela. Kahit pabarya-barya lang basta may maipon. Para naman pag nagtagal, manghinayang ako na nag ipon ipon pa ko ng ganun katagal tapos di ko rin naman itutuloy.
Bottomline, alam kong magsasawa din ako kaka-pantasya na magkaroon ng 3DS pero pipigilan ko yan. Para naman masabi kong may natupad na akong goal na sinet ko kahit short-term goal man lang.
